O SENTIDO DO OÍDO

Serve para percibir os sons. Está aloxado nos ósos temporais, a ambos os dous lados do cranio. Consta de tres partes:

Oído externo.

• Comprende o pavillón da orella e o conducto auditivo
• O Pavillón da orella: É unha cartilaxe pregada cuberta de pel.
• O Conducto Auditivo: É unha canle cilíndrica cuberta de ósos temporais. Posúe numerosos pelos e secreta o cerume (graxa amarela) que serve para reter o po e impedir a entrada de insectos.

 Oído Medio. 

•  Esta cavidade contén a membrana do tímpano, a cadea de osiños, a ventá oval, a ventá redonda e a trompa de Eustaquio.
• Membrana do Tímpano: É parecida á dun tambor, delgada e elástica.
• Cadea de Osiños: Fórmano catro osiños chamados martelo, bigornia, lenticular e estribo.
• A Trompa de Eustaquio: É un conducto que comunica ao oído medio coas foxas nasais.

Oído Interno.

• Chamado labirinto pola súa gran complexidade. Comprende o vestíbulo, as canles semicirculares e o caracol.
• O Vestíbulo: Está no centro do oído intermedio, contén un líquido chamado perilinfa.
• As canles Semicirculares: Son tres tubiños que conteñen un líquido chamado endolinfa (líquido que ten un papel moi importante no sentido do equilibrio).
• O Caracol: Ten forma de cuncha de caracol e comunícase co oído medio pola chamada ventá redonda.

Isto remata co nervio auditivo, que comunica ao oído co cerebro, recollendo os nervios auditivos.

PRINCIPAIS ENFERMIDADES:

A dor de oído: A dor de oído prodúcese pola acumulación de líquido no oído medio e pola presión que este líquido acumulado exerce sobre o tímpano.
Enfermidade de Meniere: Enfermidade causada por unha distensión imprevista das canles semicirculares membranosas por aumento da endolinfa , determinada por causas aínda descoñecidas.
Neuroma acústico: É un tumor non canceroso (benigno) e, con frecuencia de crecemento lento, do nervio que conecta o oído ao cerebro. Localízase por detrás do oído exactamente baixo o cerebro. 

Otite: É unha infección ou unha inflamación do oído. Isto acontece na porción media do oído.
Presbiacusia: Condición que se presenta a medida que nos facemos maiores, a cal implica a perda progresiva da audición. A metade dos maiores de 75 anos presenta Presbiacusia.
Tinnitus:É o término médico para o feito de "escoitar" ruídos nos oídos cando non hai unha fonte sonora externa.Poden soar como asubio, sopro, ruxido, zumbido, etc. A persoa incluso pode pensar que está escoitando o escape do aire, auga correndo, o interior dunha concha mariña ou notas musicais.

Vértixe: A vertixe pódese experimentar como un mareo, unha sensación de que se podería presentar un desmaio, sentirse inestable, perder o equilibrio ou a sensación de que un mesmo ou o espazo están a xirar ou se move. A maioría das causas da vertixe non son graves e pódense tratar de xeito rápido e doado. 

A xordeira:A xordeira é a dificultade de usar o sentido do oído. Así pois, unha persoa xorda será incapaz ou terá problemas para escoitar. As causas poden ser por exemplo hereditarias, causadas por unha enfermidade, por danos dun medicamento, etc